1-కాయ...

నాగ మురళి గారి కవిత్వానికి మూడు ఎప్పుడు వస్తుంది అన్న వ్యాసం చదివాక ... నాకు ఇలాంటిదే ఒక చిన్న పద్యం గుర్తుకు వచ్చి ఆది మీతో పంచుకో దలచాను.నేను ఇంతకు క్రితం పని చేసే కంపనీ లో మధ్యాహన్నం బోజన సమయంలో నేను మరియు మరో ఇద్దరు అయ్యవార్లు కలసి బొజనము చేసిన తర్వాత తాపీగా కూచోని చాలా విషయాలు మాట్లాడే వారము ... ఆ రోజు మేము తెచ్చుకున్న టిఫీను బాక్స్ లో వంకాయ కూర అదిరింది... దాని గురించి నేను అహా కూర అంటే వంకాయ కూరె కదా...ఈ కూరను పోగుడుతూ ఏదో ఒక సినిమాలో ఏకంగా ఒక పాటే పెట్టారు కదా అని అన్నాను... దానికి మా ఒక అయ్యవారు ఇలా అన్నారు...వంకాయ కూర గురించి చెప్పటానికి పాట ఏమీ సరిపోతుంది బాసు... దాని విసిస్టతను పూర్వపు కవి పుంగవులు ఎప్పుడో వర్ణించారని ఈ క్రింది పద్యాన్ని చెప్పారు...


వంకాయ కూర వంటి కూరయూ

లంకా పతి వైరి వంటి రాజుయూ
పరమేసుని వంటి దైవము
పంకజ ముఖి సీత వంటి పడతుల్ గలరే...

అహా ఎంత బాగా సెలవిచ్చారో కదా .... అని బాక్స్ ని కడగనవసరం లేకుండా కాలి చేసాము...

అన్ని సంవత్సరాలు ఒకలా ఉండవు...

అన్ని సంవత్సరాలు ఒకలా ఉండవు...

ఈ సంవత్సరం మీ అందరకు శుభాలు మరియు ఎనలేని సంతోసాలు అందించాలని మనసారా కోరుకుంటూ...

నూతన సంవత్సర శుభాకాంక్షలు - 2008

పసి మనసులు...

నేను ఈ మధ్యనే యండమూరి గారి నవలా ఒకటి చదివాను...అందులోంచి ఒక చిన్న కథ మన ఇప్పటి జీవితాలకు సరిపోతుందనిపించి ఇక్కడ ప్రస్తావించ దలచాను.

ఈ ఉరుకుల పరుగుల జీవిత ప్రయాణం లో మనం ఏమీ కోల్పోతున్నామన్న విషయం ఒకసారి నింపాదిగా ఆలోచిస్తే మనది మనకే మనోగత మవుతుంది.

ఇక కథ లోకి వస్తే...

ఒక వ్యాపారి తన కుటుంబంతో సంతోషంగా కాలం గడుపుతూ ఉంటాడు, అతనికి ఒక చిన్ని కూతురు ఉంటుంది. అలా కొంత కాలానికి అతని వ్యాపారం దీవాల తీస్తుంది చాలా కష్టాల్లో కుటుంబాన్ని పోషిస్తూ ఉంటాడు. ఈ ప్రస్తుత పరిస్థితిని తలుచుకుని చాలా బాద పడుతుంటాడు. ఒక రోజు అతని పుట్టిన రోజు వస్తుంది. ఉదయం నిద్దుర నుంచి లేచేసరికి అతని ఎదురుగా అతని చిన్ని కూతురు ఒక పెద్ద బాక్స్ తో నిలుచుని అప్పుడే లేచిన నాన్నకు పుట్టిన రోజు శుభాకాంక్షలు తెలుపుతూ ఆ బాక్స్ ని అతని చేతిలో పెడుతుంది, బాక్స్ మంచిగా అలంకరించి ఉంటుంది. ఆది తీసుకుని అతని కూతురీని అమాంతం ఒళ్ళో కూచోపెట్టుకుని బుగ్గపై ఒక ముద్దు కురిపించి ఆ బాక్స్ ఓపెన్ చేస్తాడు కానీ ఆ బాక్స్ ఖాళీగా కనిపిస్తుంది అసలే బాదల్లో ఉన్న అతను ఖాళీ బాక్స్ ని చూసి తన కూతురు తనని ఆట పట్టించటానికి ఇలా చేసి ఉంటుందని భావించి ఆ చిన్ని పాపపై కోపగించుకుంటాడు, దాంతో ఆ పాప ఎక్కి ఎక్కి ఏడుస్తుంది.అలా కొంత సేపటికీ అతను తాను చేసిన దానికి నొచ్చుకుని ఆ పాపతో ఇలా చేయటం తప్పు కదమ్మా, ఇంకెప్పుడూ ఇలా ఖాళీ గా ఉన్న బాక్స్ ని బహుమనంలా ఇవ్వకు అని బుజ్జగించటం ప్రారంభిస్తాడు.అప్పుడు ఆ పాప ఏడుపు ఆపి ఆది ఖాళీ అని ఎవరు చెప్పారు నాన్న అందులో నా ముద్దులు ఉన్నాయి నీకు కనపడలేదా అని అడుగుతుంది.... దాంతో మన వాడికి కళ్ళల్లో నీళ్ళు తిరుగుతాయి...ఆ పాపను అక్కున చేర్చుకుని బుగ్గపై గట్టిగా ముద్దులు కురిపించి తాను చేసిన దానికి తనను తానే నిందించుకుంటాడు...


ఇది చదివాకైన ... ఈ ఉరుకుల పరుగుల జీవితాన్ని అప్పుడప్పుడు ప్రక్కకు నెట్టి కుటుంబంతో ముఖ్యంగా చిన్న పిల్లలతో ఎక్కువ సమయం గడిపేలా ... వారి బావాలు అర్థం చేసుకునేలా ...వారి మనసుల్లో స్థానం ఇంకొంచం పదిలం చేసుకునేలా మసలు కుంటారని ఆశిస్తున్నాను.

People's Car

ప్రజల కారు వచ్చేస్తుంధోచ్....

జనవరి 10 న డిల్లీ లో జరిగే వాహనాల ప్రదర్శనలో "టాటా" వారు వారి ప్రజల కారుని ప్రదర్శిస్తున్నారు...దాని ఖరీదు అక్షరాల లక్ష రూపాయలు మాత్రమే....ఆ కారు మనము కొనుగోలు చేయటానికి గాను ఇంకా కొద్ది నెలలు మాత్రమే వేచి చూడాల్సి ఉంటుంది...మీకు దీని కోసం పూర్తి సమాచారం కావాలంటే ఇక్కడ చూడండి.దీని రాకతో ద్విచక్ర వాహనాల పని ఇక గోవిందే అనుకుంటా... అలాగే హైదరాబాదులో మరింత ట్రాఫిక్ జాం...ఆ కారు ఇలా ఉంటుందని ఇంతకు మునుపే ప్రచురించటం జరిగింది...